Մեր պատմությունը

“Կանչ ընկերությունը” հիմնադրվել է 2015 թվականին։ Գործունեության առաջին տարիներին կազմակերպությունը զբաղվել է վրանային ճամբարների և արշավների կազմակերպմամբ։ Ճամբարների համար ընտրվեց Արցախի հայկական պատմական Շուշի քաղաքը և Հին Հալիձոր լքված բնակատեղին։ Ճամբարները կազմակերպվում էին վրանային տարբերակով, իսկ մասնակիցները հիմնականում ուսանողներն էին։ Վերջին տարիներին ճամբարները կազմակերպվում են Լոռիում, Դիլիջանում և Հանքավանում գտնվող հյուրանոցներում կամ հյուրատներում։ Ճամբարները արդեն ոչ թե ուսանողների, այլ բացառապես երեխաների համար։ Դրանք առանձնանում են իրենց կրթական բնույթով, ժամանցային ու ինտելեկտուալ խաղերով և զուգահեռ իրականացվող էքսկուրսիաներով։ Մինչ օրս էլ ճամբարները հյուրընկալում են հարյուրավոր դպրոցականների Հայաստանից և աշխարհի տարբեր ծայրերից։ 2017թ․-ից “Կանչ”-ը արշավներին զուգահեռ սկսեց կազմակերպել դասարանական էքսկուրսիաներ և կարճ ժամանակ անց դարձավ դպրոցական տուրիզմի առաջատարներից մեկը Հայաստանում։ “Կանչ”-ի պահանջարկի մեծանալուն զուգահեռ կարիք առաջացավ համալրել կազմակերպության զբոսավարների կազմը նոր, բանիմաց կադրերով։Կարևորելով զբոսավարի դերը Հայաստանը բացահայտելու գործում՝ կազմակերպության ղեկավարությունը որոշեց անձնական միջոցներով կազմակերպել զբոսավարների պատրաստման դասընթաց (Կանչ դպրոց)։

“Կանչ դպրոց”-ը կրթական նախագիծ է, որը հնարավորություն է տալիս եռանդուն, հայրենասեր և բանիմաց երիտասարդներին ստանալ զբոսավարական հմտություններ և համապատասխան գիտելիքներ՝ բացառապես անվճար։ Դասընթացի շրջանակներում ԵՊՀ դասախոսների, Մատենադարանի գիտաշխատողների, ոլորտի գիտակների կողմից ուսուցանվում են անհրաժեշտ առարկաները։ Դասընթացը հաջողությամբ ավարտած ուսանողներին տրվում է վկայական, իսկ լավագույնները ապահովվում են աշխատանքով մեր կողմից։2018թ․-ից “Կանչը” սկսեց ձեռք բերել բարձրակարգ տուրիստական ավտոբուսներ։ Կազմակերպության առաջնային նպատակ սահմանվեց որակյալ, ապահով և բարձրակարգ տրանսպորտային միջոցներով թե՛ տեղացիների, թե՛ օտարերկրացիների ճանապարհորդությունների ապահովումը։2024 թվականից սկսած “Կանչ”-ը կայուն զարգացնում է նաև տուրիզմի ներգնա ուղղությունը և Հայաստանում միջազգային ճամբարների կազմակերպումը։ 2025 թվականը հռչակվել է առավելապես տուրիզմի այս ճյուղում նոր հաջողությունների հասնելու և որակական նշաձողեր սահմանելու տարի։

մեր նպատակը

«Կանչ» տուրիստական կազմակերպությունը տարիներ շարունակ զբաղվում է Հայաստանի լավագույն վայրերը ներկայացնելով։ Մեր նպատակն է ստեղծել անմոռանալի տուրիստական փորձառություն՝ ապահովելով որակյալ ծառայություն, պրոֆեսիոնալ գիդեր և ապահով ճանապարհորդություն։ապահովելով որակյալ ծառայություն, պրոֆեսիոնալ գիդեր և ապահով ճանապարհորդություն։

10+

Տարվա փորձ

170 000+

հաճախորդ

7000+

Տուրեր