Դպրոցի մասին

«Կանչ»-ը սկսած 2020 թվականից կազմակերպում է զբոսավարների պատրաստման անվճար, ամենամյա դասընթաց (Կանչ Դպրոց)։ Այս դասընթացի շրջանակներում պատրաստվում են մասնագետներ, ովքեր համալրում են հայաստանյան ներքին և ներգնա տուրիզմի շուկայի լավագույն զբոսավարների շարքերը։

«Կանչ դպրոց»-ը սոցիալական նախագիծ է, որը հնարավորություն է տալիս եռանդուն և բանիմաց երիտասարդներին ստանալ զբոսավարին հատուկ հմտություններ և համապատասխան գիտելիքներ՝ բացառապես անվճար։ Կազմակերպվում են նաև գործնական պարապմունքներ, որոնց ընթացքում այցելում ենք տարբեր պատմամշակութային կոթողներ՝ ամրապնդելու տեսական դասերի ընթացքում ստացած գիտելիքները։ Դասընթացը հաջողությամբ ավարտած ուսանողները ստանում են ավարտական վկայականներ, իսկ լավագույն շրջանավարտները ապահովվում են աշխատանքով մեր կողմից։